విష్ నెం :15

ఆటగాడు
కేటుగాడు
వీడు మాయదారి మల్లిగాడు

అల్లరోడు
అందగాడు
వీడు చిత్రంగా ఉంటాడు

గుండు సూదిలా గుచ్చుతుంటాడు
మండే ఎండలా మండుతుంటాడు
మంచుకొండలా కరిగిపోతాడు
మల్లెమనసునే తీసుకువస్తాడు


పిచ్చివాడు కాదు
కాస్త పైత్యం ఉన్నోడు
చెడు ఎదురైతే చిచ్చరపిడుగు వీడు

అవసరానికి రాడు
నీ ఆత్మ బంధువు వీడు
మంచిగా పిలిస్తే పసిబాలుడే వీడు


ఎన్నో  పరిశీలనలు చేస్తూ ఉంటాడు
ముఖపుస్తకంలో ముభావంగా ఉంటాడు
చేదోడు - వాదోడుగా ఉంటాడు
తనకు నచ్చిందే చేస్కుంటూ పోతాడు


చాకులాంటి వాడు
గొప్ప ఛలోక్తి వీడు
చరిత్రలతో నీకు చుక్కెదురే వీడు


అందరిలా కాడు
కొంచెం చాదస్తం వీడు
సరిగ్గా చూసావో నీకే నచ్చుతాడు


అభిమానంతో నీ ఆట కడతాడు
ప్రేమంటే  తనలాగే అంటాడు
అన్ని  స్నేహాలలో వాడే ఉంటాడు
నీ మనసుకి దగ్గరగా ఉంటాడు

వేమూరి మల్లిగాడు
మంత్రాలకు లొంగనోడు
ముత్యమల్లే మెరుస్తూ ఉంటాడు

వెటకారం జోలికి పోడు
మమకారం లేకుండా రాడు
హాస్య చతురత కలిగిన సుందరుడు

// గరిమెళ్ళ గమనాలు // 10. 12. 2016 //

విష్ నెం :14
** సుజాతనీయం ***

 సుజాతమ్మ గారికి పుట్టిన రోజు శుభాకాంక్షలతో నా చిరు కవనీయం


రమణీయం
కమనీయం
సుజాతనీయం ......

ఆనందనీయం
ఆత్మీయం
సుజాతనీయం .......

అనుబంధనీయం
కనువిందునీయం
సుజాతనీయం .......

ఆహ్లాదనీయం
అనురాగమయం
సుజాతనీయం .........

సుందరనీయం
ధరహాసనీయం
సుజాతనీయం ......

భవనీయం
శ్రవణీయం
సుజాతనీయం ......

కోమలం
కరుణం
తేజోమయం
సుజాతనీయం ......



అమ్మ
అమ్మమ్మ
ముద్దుల సుజాతమ్మ
నాకు మాతృమణిరూపం
ఈ సుజాతనీయం ......

ఇట్లు
మీ పద్మ -ప్రసాదు
(శ్రీ రాజేంద్రుడు )

విష్ నెం :13

విష్ నెం :13

పున్నమిలా ఉంటాడు మన సాగరుడు
ఎప్పుడూ చిరునవ్వుతోనే పలకరిస్తాడు
ఎక్కడా కూడా చిన్న అసహనం ప్రదర్శించడు
స్నేహహస్తాలను కలుపుకుంటూపోయే ఈ సాగరుడు
అల్లరిచేస్తూ పసివాడిలా ఆడుకుంటాడు
అద్భుతమైన ప్రతిభాసంపత్తును కల్గినవాడు
సాహిత్య సంగమంలో ప్రవహించే పుష్కరునికి

నా హృదయపూర్వక జన్మదిన శుభాకాంక్షలు

విష్ నెం :12

విష్ నెం :12

కోనసీమ కుర్రాడు 
చందమామలా నవ్వుతాడు 
అందరికీ ఆత్మ బందువు 
ఆత్మీయుడులా ఎదురొస్తాడు 
సాహిత్యప్రియుడు ,అక్షర అన్వేషకుడు 
అందరూ అభిమానించే కవి వీరు 
మరెందరికో స్పూర్తిగా నిలిచే ప్రోత్సాహకులు వీరు 
పొగడ్త విషం లాంటిందే 
కాని వీరిని చూస్తే అది అమృతమే 
ఒక్కసారి వీరి పరిచయం 
అవధులు లేని స్నేహప్రపంచం 
సిరా చుక్కకు అలసట ఉంటుందేమో కాని 
వీరి భావాలవేట కు అంతు ఉండదు 
ఎన్నో అవార్డుల సాహిత్య భూషణుడు 
సాహితీ సంపదకు సరికొత్త సంపాదకుడు 
ఎంత సాధించినా గర్వానికి బానిస కాడు 
ఇంకా నేర్చుకోవాలి అనుకునే విద్యార్ధి వీడు 
కలం ''కత్తి '' లాగా నడుస్తూ ఉంటది 
మండే ఎండలో సేద తీర్చే సూరీడు వీడు 
విజయాలను వెంటేసుకునే మన వీర ప్రతాపుడు 
మొత్తం కలిస్తే ''కత్తిమండ ప్రతాప్ ''
డాక్టరేట్ సాధించిన డాక్టర్ కత్తిమండ ప్రతాప్ గారికి 
''జన్మదిన శుభాకాంక్షలు ''