నీ అడుగుల సవ్వడులే నాకు ఆనందం
చిరునవ్వులు చిందించే చిద్విలాస రూపం
నీ చిట్టి చిట్టి చేష్టలే మాకు అపురూపం
ఇంద్రభవనాన్ని తలపించే మా ఆవరణం
బుజ్జి మహాలక్ష్మియే మాకు నీ సోయగం
కిల కిలా నువ్వు కబుర్లెన్నో చెప్తుంటే
అలా అలా నీ ముత్యపు మాటలు వింటుంటే
సమయమే మెరిసిపోయే
నా అలసటను నేనే మరచిపోయే
నీ కలివిడితనంతో కలిసిపోయే బంధాలు
నీ ఆలోచన సరళిలో ఎన్నో ప్రేమానురాగాలు
మా అందరికీ అమ్మవు -చిట్టితల్లివి నీవు
మా కలల రాణివి-కల్పవల్లివి నీవు
చిన్నితల్లి నీ ప్రేమెంతో మధురం
నీవు చూపించే ఆప్యాయత అతి మధురం
నీ అల్లరిచేసే గారం మధురం
నీ అలకలలో మారం మధురం
నీతో అందమైన జీవితం మా అదృష్టం
మంచి భవిష్యత్తు కావాలి నీ సొంతం
మా ఆశా కిరణం నీవమ్మా
మంచి ఆశయాలతో ముందుకు సాగిపోమ్మా
బంగారు తల్లి “పుట్టిన రోజు శుభాకాంక్షలు”
లేక్షణ తల్లి నీ నవ్వులే మా వెలుగులు
వర్ధిల్లాలి నీవు నిండు నూరేళ్లు
ప్రేమతో
నాన్న
