విష్ నెం :11

విష్ నెం :11

బంగారు తల్లి ఓ సాన్వి 
నా బుజ్జి తల్లి ఓ సాన్వి 

చిన్ని తల్లి ఓ సాన్వి 
నా చిట్టి తల్లి ఓ సాన్వి 

డార్లింగ్ పాప ఓ సాన్వి 
నా లవ్లీ పాప ఓ సాన్వి 

నువ్వంటే ఇష్టం సాన్వి 
నువ్వే నా ప్రాణం సాన్వి 

లో లో జోలాలి సాన్వి 
బజ్జో నువ్వు బజ్జో సాన్వి 

విష్ నెం :10


మన ప్రపంచ తెలుగు కవితోత్సవం గురించి నేను రాసిన చిన్న కవిత
**************************************************************

ప్రతి కవులందరికీ
ప్రతి కవయిత్రులకీ
అందిన కవితోత్సవ ఆహ్వానం

ప్రతి ప్రాంతం నుంచి
ప్రతి జిల్లా నుంచి
ప్రతి రాష్ట్రం నుంచి
ప్రపంచాన్నే వేదికగా చేసి
తరలి వస్తున్న కవి హృదయాలకు వందనం

మాహా యజ్ఞమే ఈ ఉత్సవం
నిర్వాహకులకు పరీక్ష సమయం
తోడుండాలి ఒకటై మన సైన్యం

చీకు చింతా వదిలెయ్యండి
హాయిని పిలిచి తరలిరండి
మీరంతా కలిస్తే ఇది ''రికార్డ్ '' అండి

ఎన్నో మైళ్ళ దూరం నుంచి
ఎన్నో ప్రణాళికలే రూపొందించి
కొత్త ఆశయానికే సంకల్పం చేసి
మీకోసం ,మన కోసం ... మన అందరికోసం
''ప్రపంచ తెలుగు కవితోత్సవం ''
ఇది ''ప్రపంచ తెలుగు కవితోత్సవం ''


స్వాగతం - సుస్వాగతం
ప్రతి కవి గుండెకి ఘన స్వాగతం

అక్షరం - కవితాక్షరం
కొన్ని గంటల నిరంతర గానం

ముఖచిత్రంతో పరిచయం
కొన్ని సమూహాలతో ఈ కార్యక్రమం

అంతర్వేది నరసింహుని సన్నిధిలో
మొట్ట మొదటిసారిగా దీక్షకు పూనిన
రెండు రోజుల పండుగగా సాగే
''ప్రపంచ తెలుగు కవితోత్సవం ''
ఇది ''ప్రపంచ తెలుగు కవితోత్సవం ''


మంచి సాహిత్యం రావాలి
మన అక్షరం ఎదగాలి
కవులకు /కవయిత్రులకు ఇది ఒక ఆసరా
ఒక మంచి సహృదయ సంకల్పం
ఎంతో ప్రయాసతో కూడుకున్న కార్యక్రమం
నిలిచిపోవాలి మన ఈ మహోత్సవం
గుర్తుండి పోవాలి ప్రతి మదిలో ఈ భావం
''ప్రపంచ తెలుగు కవితోత్సవం ''
ఇది ''ప్రపంచ తెలుగు కవితోత్సవం ''

విష్ నెం :9
పరిమళం పరిమళం .... ఇది స్నేహ పరిమళం
పువ్వులం  నవ్వులం .... ఆ నింగిలో తారలం
అల్లుకునే పదజాలం ... మా స్నేహాక్షరం
ఆనందాల నిలయం ... మా ఇంద్రజాలం
ఆహ్వానాల కుటీరం ... మామనసు మందిరం

విష్ నెం :8
హార్దిక స్వాగతం - నా హారిక స్వాగతం 
నా హృదయ సంగీతం - నువ్వేలే నా జీవితం 
నీ పరిచయం - మధురం మధురం
మన పరిణయం - ఒక బృందావనం 
నీతో పయనం - నాలో నేనే గమనం 
ఈ తరుణం - ఎన్నో తళుకుల గగనం 
నువ్వొక వసంతం - నువ్వే నా సొంతం 
నీతోనే సంతోషం -  నీవేలే నా సర్వం 
మన మనసులకు లేదు కల్మషం 
మన ప్రేమ నిలుస్తుంది శాశ్వతం 
నీ రూపే కనపడుతుండాలి నిత్యం 
నేను నిన్ను మరువలేను అది సత్యం 
మనం నిర్మించుకున్న ఈ జీవన సాగరం 
సాగిపోవాలి సుఖ సంతోషాలతో కలకాలం 
నిన్ను అర్దాంగిగా పొందటం ఒక వరం 
నీవే నా మేటి సాటి ఆణిముత్యం 

నాతోడుగా ,నీడగా నన్నంటి ఉంటూ 
నాకష్ట నష్టాలను ఇష్టంతో పంచుకుంటూ 
ద్వితీయ వివాహ వార్షికోత్సవం లోకి ఆహ్వానిస్తూ 
నా ''హారిక ''కు హృదయ పూర్వక స్వాగతం సుస్వాగతం 

నీ ''సురేష్ ''

విష్ నెం :7 (

విష్ నెం :7
సాహితీ సేవ సంస్థాపకులు 
సాహితీ  దిగ్గజులు 
ప్రముఖ పాత్రి కేయులు  
మన అందరికీ అభిమాన బంధువు 
చిరునవ్వుతో పలకరించే ఆత్మీయులు 
మనసుతో మాట్లాడే ఆప్తులు 
నిజాయితీ ఆయన రూపం 
నిరాడంబరత అయన ప్రత్యేకం 
అక్షరం ఆయన కలం 
కార్యాచరణ ఆయన సంకల్పం 
నిరంతరం సేవ కోసం తపించే భగీరధుడు  
మంచి కవిత్వం కోసం పరితపించే వాల్మీకి 
సంపన్న సాహిత్యాన్ని కాంక్షించే సాహితీ శిల్పి 
మీకు ''అర్ద శతదినోత్సవ జన్మదిన శుభాకాంక్షలు ''

విష్ నెం :6(సాన్వి )

విష్ నెం :6
''చిట్టి తల్లికి పుట్టినరోజు శుభాకాంక్షలు ''
సాన్వి ఒక సరిగమ
మాకు  సంగీతాలాపనే ప్రతి రోజూ
సాన్వి ఒక ఇంద్రజాలం
మంత్రముగ్దులమే నీ మాయలో
సాన్వి ఒక తర్కం
ఎవ్వరికీ అర్ధంకాని చమత్కారం నీది
సాన్వి ఒక ఆకర్షణ
నువ్వుంటే మాకు ఒక గురుత్వాకర్షణ
సాన్వి ఒక ప్రేమనిధి
తరిగిపోని  అభిమానాల నిక్షేపం
సాన్వి ఒక తళుక్కుమనే తార
చిన్ని చిన్ని సొగసుల సితార
సాన్వి ఒక సందడి
అల్లరితో మనసు గెలిచును తన వైఖరి
సాన్వి ఒక సంతోషం
చిరునవ్వుతో ప్రశ్నించే సుగుణం
సాన్వి ఒక అక్షయపాత్ర
ఆప్యాయత అనురాగాల కోట
సాన్వి ఒక చిన్నారి దేవత
అందరికీ ఇష్టమైన అందాల రాకుమారి

విష్ నెం :5(బంగారుతల్లి )

విష్ నెం :5
చిన్నితల్లి  చిట్టితల్లి ఓ బంగారుతల్లి 
నీ  చిన్నినవ్వే మాగ్నేట్ లాగా మము లాగేస్తుందే 
నీ చిన్నిరూపం మాకు అపురూపం 
నీ చిట్టిపలుకే మాకు వేదాంతం 
నీ బుడి బుడి అడుగులలో భూగోళం దాగిఉంది 
నీ చిట్టి చిట్టి కన్నులలో ఆమని అందముంది 

కాలమే జపం చేస్తుంది నీ రాకకోసం 
అందమే అలక పెడుతుంది నీ కోసం 
అల్లరి మారాం చేస్తుంది నీతో జత కట్టి 
ఆనందం హంగామా చేస్తుంది నీ నవ్వు చూసి 
అంతరాయం ఉండని ఆహ్లాదం నువ్వు 
మా గుండెలో సరదాలే ప్రతీ రోజూ 
అల్లరి పిల్ల ,రాకాసి పిల్ల 
అందరికీ నువ్వే కావాలి మల్లా మల్లా 

విష్ నెం :4(B.N.R)

విష్ నెం :4
ఆయన విద్య ,వైద్యం .................... వంట
అయన హస్తం చేసేది వంట .... ఆయనకు తెలిసిన శాస్త్రం వంట
చిన్నతనం నుంచి నేటి వరకు అయన వృత్తి ,ప్రవృత్తి వంటే
ఎంతో ఇష్టంగా నేర్చుకుంటానికి ముందుంటారు
ఏంతో మందికి నేర్పించి కొన్ని వందల మందికి జీవనం కల్పించారు
ఎంత ఎదిగినా ఒదిగి ఉండటం అయన నైజం
చిరునవ్వుని చిందిస్తూ పలకరించటం అయన సహజ గుణం
అందరిలా కాదు అందరిలో ఒకరిలా ముందుంటారు
అందుకే ఈ రోజు A. P . TOURISM లో Best  chef  గా అవార్డు తీసుకున్నారు
అంతే కాదు అందరు మెచ్చే ఉత్తమ నాయకుడు వీరు
V.I.P లకు సైతం ఈయనంటే ఒక అభిమానం
ఒక్కసారి వీరి పరిచయం పొందిన వారు వారి స్నేహాన్ని వదులుకోలేరు
ఎక్కడున్నా వీరి ప్రత్యేకతే వేరు ... అందుకే అంచెలంచలుగా ఎదగగలిగారు
కష్టాన్ని నమ్మిన వ్యక్తి ,శ్రమను మరువని మనిషి
ఏ  గుర్తింపుని ఆశించని వారు అందుకే ఇంతలా రాణించ గలిగారు
తన జీవిత గమనంలో సంపూర్ణత్వాన్ని సాదించారు

విష్ నెం :3(నాగేంద్ర బాబు)

విష్ నెం :3

మనసంటూ ఉన్నోడు
మనిషిలా ఉంటాడు
మంచి లా వస్తాడు
పంచ్ లే వేస్తాడు
పేరుకు వీడు నాగేంద్ర బాబు
వీడు పెట్టుకున్న పేరు కింగ్ నాగ్
అందగాడని అనుకుంటాడు
అందరివాడిలా కనిపిస్తాడు
చతుర్లకి సప్తగిరి  
కాని చెయ్యలేడు వీడు దాదాగిరి 
అభిమానంకి అభిమన్యుడు వీడు 
స్నేహంలో సుగ్రీవుడు వీడు 
ఒక్కసారి తగులుకుంటే వీడు 
సామాన్యుడెవడు తప్పించుకోలేడు 
చెప్పాలంటే పెద్దగా ఏమీ లేదు 
చేష్టలతో అందరినీ మెప్పిస్తాడు